Градоначалникот одржа состанок во врска со случајот за угинати кучиња

По вчерашниот случај со угинати кучиња, оставени на локација на ул.„120„ во населба Карпош, денеска Градоначалникот Максим Димитриевски одржа состанок со дел од невладини организации за заштита на животни, претставници од Ветеринарно сточарски центар „Тодор Велков„ и  претставници од инспекциски  служби во општина Куманово. На состанокот се разговараше за активности превземени од страна на инспекциските служби од општината, кои по телефонска пријава од МВР-СВР Куманово излегле на лице место и увиделе дека, на наведената локација имало шест угинати кучиња со констатација дека, не се оставени во ист период , односно не се во иста фаза на распаѓање. За случајот  известена е и Агенција за храна и ветеринарство, која ќе ги превземе потребните мерки што се во нејзина надлежност.

На состанокот се осуди вчерашниот  настан, а општината најави дека ќе превземе обврска во наредната година, преку својот буџет да обезбди средства за изградба на прифатилиште за околу двесте бездомни кучиња.

 

Врати се на врвот
Големина на фонт