Skip to content Skip to main navigation Skip to footer

Документарен запис за најстарото средно училиште во Куманово СОУ Гимназија “Гоце Делчев”

Од бројните културни настани во рамките на одбележувањето на Јубилејот 500 години Куманово, во Занаетчискиот дом во нашиот град се одржа промоција на документарниот филм за СОУ Гимназија “Гоце Делчев”-Куманово, чиј покровител е училиштето.  На настанот присуствуваше Градоначалникот на Општина Куманово Максим Димитриевски, кој покрај останатите говорници, има свое обраќање во документарниот филм и претседателот на Советот на Општина Куманово Атина Мургашанска.

Документарниот филм за СОУ Гимназија “Гоце Делчев” го претставува развојот на училиштето и тоа од неговото формирање, во далечната 1945 година, па се до денеска. Претставен е хронолошкиот процес со сите фази на градењето на  училиштето: ученици и професори, кои се дел од изградбата, создавање на првата учителска школа, на кој начин се одвивал и градел образовниот процес, застапени се и обраќањата на поранешни професори и директори на СОУ Гимназија “Гоце Делчев”-Куманово.

Културниот настан го збогатија и ученици од Гимназијата со неколку музички точки, како дел од кратката културно-уметничка програма.

Автор на документарниот филм е нашиот познат спортски новинар Марјан Стошевски, а во улога на модератор беше проф. д-р Маја Јакимовска Тошиќ.

Врати се на врвот
Големина на фонт