Атина Мургашанска е родена на 29.07.1968 година во Пробиштип. Основното  училиште „ Кочо Рацин“ и Гимназијата „ Гоце Делчев“  ги завршува во Куманово, како ученик на својата генерација.  Дипломира на Правниот факултет  „ Јустинијан Први“ при Универзитетот „ Кирил и Методи“ во Скопје. Има положено правосуден испит, магистрант е по административно право на УКИМ и е еден од првите медијатори  во РМ.

Работела како новинар и уредник на Младинската и Ноќната програма во Радио Куманово, а потоа како едукатор и презентер  во невладиниот сектор. Истакнат активист е на полето на човековите права и родовата еднаквост. Учесник е на бројни проекти, обуки и семинари во земјата и странство од областа на човековите права, локалната самоуправа и регионалниот развој и управувањето со отпад.

Вработена е како помошник раководител во Центарот за развој на Североисточниот плански регион. Мажена е и е мајка на еден син.

Во својата политичка партија е координаторка на Форумот на жените на СДСМ за Куманово и член на Комисијата за локална самоуправа на СДСМ.

На локалните избори во октомври 2017 година е избрана за советник, како носител на листата  на советници на СДСМ и коалицијата, а потоа избрана и за претседател на Советот на Општина Куманово.

Врати се на врвот