Skip to content Skip to main navigation Skip to footer

Честитка на градоначалникот Димитриевски за 11 Октомври

Оваа објава е достапна и на: sqAlbanian

Почитувани сограѓани,

Ви го честитам овогодинешниот јубилеј 80 години од Денот на народното востание и Ден на борецот-11 Октомври, кој е остварување на македонскиот идеал за слобода и симбол на непокор на македонскиот народ. На 11 октомври 1941 година застанавме на страната на антифашизмот, со што нашиот народ го докажа правото на изградба на самостојна, суверена и слободна држава. Патот до посакуваната победа преку Народноослободителната борба ни обезбеди место на страната на човечноста.

Денес им оддаваме почит на борците за слобода, чија пожртвуваност и решителност ни подари достоен живот и зачувување на трајните вредности на нашата сакана држава. Тие не задолжија да ја чуваме и негуваме сувереноста и независноста на Македонија, борејќи се за посјајна иднина. Да продолжиме да се бориме за рамноправност и еднаквост, чувајќи го најскапоценото нешто-слободата. Да не дозволиме никому да ни ги разниша темелите на историските традиции, кои се создаваа со векови.

Нека е честит и вековит денешниот празник, кој за нас претставува патоказ во сочувувањето на слободата, сувереноста и независноста на
нашата држава!

Врати се на врвот
WP2Social Auto Publish Powered By : XYZScripts.com
Големина на фонт
Боја на контраст