Проект: „Интеграција во основно образование„

Оваа објава е достапна и на: Albanian

Градоначалникот Максим Димитриевски денеска присуствуваше на изложба на фотографии од проектот „Интеграција во основното образование“ кој го спроведува Здружението „Доверба“ од Куманово, финансиран од Мировна акција Прилеп/Тетово и Центарот за мировни студии Загреб преку поддршка од Делегацијата на ЕУ во Македонија и ЦИВИКА Мобилитас.

Во проектот кој се реализира во периодот од декември минатата година до крајот на март годинава, учествуваа четириесет ученици од ООУ „Вук Караџиќ“ и ООУ„Наим Фрашери“.

Ученици од различни етнички заедници од Куманово, под менторство на на своите професори изработија фотографии, уметнички творби и прозни дела на тема „Пријателството нема граници“.

Во своето обраќање градоначалникот Димитриевски истакна : „Подобрата меѓуетничка комуникација, надминување на бариерите и градејќи мултикултурно општество е приоритет и за општина Куманово„.

Проектот има за цел да ги зближи учениците од различни етнички заедници, за да се надминат разликите и истакнат различностите.