Општина Куманово доби донација – возило за потребите на лицата со попреченост

Оваа објава е достапна и на: Albanian

Денеска во Општина Куманово беше извршено примопредавањето на донацијата – специјално возило за превоз на лица со попреченост. Општина Куманово донацијата ја доби од меѓународната хуманитарна организација Humanity First Deutschland. Возилото ќе биде ставено во служба на учениците со попреченост кои посетуваат настава во училиштата во градот.

Претходно, Градоначалникот Максим Димитриевски одржа средба со Абдулах Вагусхаузер претставник на Humanity Firt и организацијата Ахмадија и други високи претставници на организацијата донатор, на која, ја искористи можноста да се заблагодари за хуманиот гест и ја истакна важноста на овој вид помош за Куманово.