Skip to content Skip to main navigation Skip to footer

Потпишан Меморандум за соработка со Институт за Европска политика

Во име на Општина Куманово градоначалникот Максим Димитриевски денеска потпиша Меморандум за соработка со Институт за Европска политика.
Предмет на Меморандумот е соработка при спроведување на проектот “Зајакнување на испораката на социјална заштита преку социјална одговорност, со фокус на маргинализираните групи, вклучувајќи ги Ромите и Роми повратници” на Институтот за истражување и анализа на политики Ромалитико, имплементиран од страна на Светска Банка, чија цел е имплементација на процес на социјална одговорност за социјална реформа од 2019 година и нејзино влијание врз маргинализираните заедници.
Активностите ќе се спроведуваат во две општини, Шуто Оризари и Куманово и ќе се однесуваат на следните сервиси: гарантирана минимална помош, ученички и детски додаток.
Со потпишувањето на овој Меморандум, страните – потписнички ќе соработуваат во спроведувањето на взаемни активности кои се во склад со консултативните активности за времетраењето на проектот.
Меморандумот за соработка ги утврдува правата и обврските помеѓу носителите на проектот со цел правилно и непречено имплементирање на проектот и постигнување на предвидените цели за достигнување на видливи промени во ромската заедница.
Двете страни се обврзуваат да остварат меѓусебна комуникација за информирање и напредок во спроведувањето на активности поврзани со проектот.

Врати се на врвот
Големина на фонт
Боја на контраст