Средба на Градоначалникот Димитриевски со Амбасадорот на Швајцарија
Оваа објава е достапна и на: Albanian
Градоначалникот на општина Куманово Димитриевски денеска се сретна со Амбасадорот на Швајцарија во Република Северна Македонија, Н.Е. Сибил Зутер Техада. На работната средба се разговараше за досегашните успешни заеднички проекти, како и за можната идна соработка. Заедно со Амбасадорот Техада и Министерот за локална самоуправа, Горан Милевски го посетија маркетот Рамстор, каде што е поставена една од трите вендинг машини за рециклирање на пластични шишиња и лименки. Проектот “Пластикмат за чист град” е реализиран преку набавка на машини од страна на “Пакомак” за селекција на отпад со обезбеден софтвер и мобилна апликација, преку која граѓаните ќе вршат поврат на одредена сума за секое вратено шише во машината со зелени поени, кои ќе ги користат во маркетите, каде што се поставени.Овој иновативен проект е финансиран преку Агенцијата за развој на Швајцарија застапувана преку Амбасадата на Швајцарија и Министерството за локална самоуправа.