Кумановските студија за модерен балет и танци, во пресрет на 11 Ноември – Денот на градот, приредија спектакуларен танцов перформанс, вечерва во спортската сала, под покровителство на Градоначалникот и Советот на Општината. На сцената се претставија Dance studio Ultra, Dance studio MAK, Dance studio Virtus, Skill Factory, Dance studio Fusion и Танцов спортски клуб Динамик, со 17 кореографии, во ритамот на познати домашни и светски нумери, детски песни, класична музика и една заедничка изведба – “Ѓердан”, со која ги истакнаа убавината на играта, младешкиот дух и заедништвото. Музичкиот хепенинг со симболичен наслов “Куманово во срцето”, го отвори градоначалникот на Општина Куманово, Максим Димитриевски, со пригодни зборови пред многубројната публика и претставници од општинската администрација, нагласувајќи ја богатата музичка традиција и урбаната денс култура на градот, чии танчери низ годините освојуваат бројни признанија и награди на престижни светски сцени, претставувајќи го родниот град и татковината.
11 Октомври бб, 1300 Куманово • (031) 475-800
