Денес Отсекот за превенција како член на Локален совет за превенција во соработка со ЈЗУ Општа Болница Куманово спроведоа активност за проверка на шеќер во крвта и крвен притисок на граѓаните, како мерка за заштита од топлотни удари во овој период од годината.
Од страна на лекарите и медицинскиот персонал, на граѓаните им се препорача на овие високи температури да се придржуваат на препораките и да не се движат надвор во период од 11:00 -18:00 часот, да носат светла лесна облека, очила за сонце, капи на глава, да се користи лесна храна,без употреба на алкохол и да се употребуваат многу течности.
Ова е уште една,од низа активности на Oтсекот за превенција, преку кои се реализираа заклучоците донесени на Општинскиот штаб за заштита и спасување.
