Вечерва во Занаетчиски дом се одржа танцов перформанс под наслов „Аморови стрели“, во организација на Здружение за модерни и спортски танци “Виртус” и Танцов – спортски клуб “Динамик” од Куманово. Настанот се одржа со поддршка на Општина Куманово, преку Јавен повик за финансиска поддршка на предлог – проекти за организирање на културни манифестации во Општина Куманово за 2026 година. Преку современ танц, флуидни линии и движења на искусните танчери што се изведуваат во еден здив, перформансот ја прославува силата на човековата поврзаност, следејќи го патот на две души, до моментот на заедничка вибрација, како повик да се преживее љубовта со движење. Минималистичката сценографија, ритамот и напнатоста, ја доловуваат поентата – срцата да станат огледало едно на друго, преку пулсот како мост меѓу два света.Современата кореографија и внимателно изградените сцени во рамките на „Аморови стрели“, покажаа движење како ехо на нежна и силна поврзаност. Перформансот го проследија претставници на општинска администрација и членови на Совет на Општина Куманово.
11 Октомври бб, 1300 Куманово • (031) 475-800
