Традиционалниот културно – уметнички настан во чест на Денот на градот – 11 Ноември, со настап на КУД “Српски вез” – Куманово, се одржа вечерва, во Занаетчиски дом.
Присутните имаа можност да проследат богата музичка програма, сплет од фолклорна игра и песна на сите секции, при познатиот ансамбл, чувар на културната ризница и духовните вредности на српскиот народ.
Завршната концертна вечер од “Деновите на српската култура во Куманово”, имаше хуманитарен карактер. Средствата се наменети за лекување на Олгица Давидовска, која боледува од релапсно – прогресивната мултипла склероза.
Празничната манифестација е поддржана од Општина Куманово, Управата за соработка со Србите од регионот и дијаспората и од Министерството за култура на Р Србија.
Дел од публиката беа претседателката Ивана Ѓорѓиевска и членови на Советот на Општината и претставници на општинската администрација.
