Во организација на Здружението на друштво на писатели Куманово, беа доделени наградите на учесниците на литературниот конкурс за традиционалната манифестација “11 Ноември”, вечерва во Занаетчиски дом.
Стручната комисија на здружението на писателите ги награди најкреативните естетски поетски и прозни дела, во конкуренција од 80 литературни творби, пристигнати од учениците на кумановските основни и средни училишта, како и од други градови од земјава, кои добија благодарници и признанија за нивниот исклучителен придонес и ангажман во областа на книжевноста.
Пред публиката на свечената празнична манифестација, збогатена со културно – уметничка програма, настапија талентираните ученици со наградените литературни творби, под водство на нивните посветени ментори.
Настанот е реализиран со поддршка на Фондацијата за култура и спорт Куманово и Општината.