“Кумановски ликовни уметници 2026” – групна изложба на уметнички дела

Градоначалникот на Општина Куманово, Максим Димитриевски, ја отвори традиционалната годишна изложба на уметнички дела “Кумановски ликовни уметници 2026”, во салонот на Уметничката галерија на НУ Музеј – Куманово, во предвечерието на празникот 11 Ноември.
На настанот присуствуваа претставници од општинската администрација, членови на Советот на Општината, делегации од општините и градовите кои пристигнаа на прославата од земјава и странство, бројни гости и граѓани поддржувачи на ликовниот уметнички израз.
На јубилејното 70. издание на културно – уметничката манифестација, учествуваат 23 кумановски академски ликовни автори од повеќе генерации, кои се претставуваат со свои ликовни творби, на слободна тема.
Продукцијата има плуралистичка ликовна експресија, која се движи во рамките на различните дисциплини на сликарство (масло на платно, акрил и комбинирани техники на платно) графика, скулптура – објект и просторни инсталации.
Настанот е реализиран под покровителство на Градоначалникот и Советот на Општината, со поддршка на на Министерството за култура и туризам на РС Македонија.
За љубителите на уметноста, изложбата ќе биде отворена до 18 ноември, оваа година.