Во организација на Одделението за социјална заштита, заштита на децата и здравствена заштита, денеска се одржа Првата конститутивна седница на Општинскиот совет за социјална заштита (во втор состав), во салата на Општината. На седницата учествуваа претставници од здруженија на граѓани, јавни општински установи и институции и претставници од општинската администрација. Во уводната презентација беа претставени организацијата, функционирањето и надлежностите на Советот, по што беше изберено новото раководство:
– претседател/ка Тања Стефановска, советник во Одделение за социјална заштита, заштита на децата и здравствена заштита во Општина Куманово,
– заменик претседател/ка Симона Трајковска, од Здружение за стимулација, едукација и рехабилитација “Чекор плус” – Куманово и
– секретар/ка Фросина Цветковска – претставничка од Одделението за социјална заштита, заштита на децата и здравствена заштита.
Основна цел на Советот е социјално мапирање за изготвување на Социјален план, документ врз чија основа се подготвува годишната Програма на Одделението за социјална заштита, заштита на децата и здравствена заштита, при Општина Куманово.