Општина Куманово, во соработка со Women in Tech Macedonia, преку Одделението за стратешко планирање, креирање политики, следење и локален економски развој (ЛЕР), го спроведува проектот „AI4HerWellbeing“. Денес, во големата сала на поранешен Комитет, се одржа практична обука за примена на вештачка интелигенција, AI писменост и благосостојба, фокусирана на личен развој, зајакнување на капацитетите и подобрување на условите за вработување на учесничките. Обуката ја посетија 70 жени, меѓу кои невработени лица, претставнички од здруженија и организации на граѓани, како и претставнички од основните и средните училишта во Општина Куманово. Целта на обуката е стекнување на основни знаења и практични вештини, за користење на алатки базирани на вештачка интелигенција, со што ќе ги унапредат своите можности за личен и професионален развој.
