Членови на Советот на Општина Куманово присуствуваа на свечениот христијански чин, одбележување на славата Св.Троица – Слегување на светиот дух на апостоли, на покана на претседателот на збратимената Градска општина Чукарица, Никола Аритоновиќ.
Претставниците на Општина Куманово присуствуваа на светата литургија во храмот на светиот великомаченик Георгиј на Банево брдо и на свечената литија низ улиците на Чукарица.
Празничната посета беше искористена за потенцирање на повеќегодишниот пријателски однос меѓу општините и за продлабочување на соработката во повеќе области во интересе на граѓаните.
