Денеска се одржа примопредавање на возилата за комунална хигиена, наменети за ЈП Чистота и зеленило – Куманово, на паркингот пред градскиот базен, во Куманово. На настанот присуствуваа градоначалникот на Општина Куманово, Максим Димитриевски, министерот за транспорт и врски, Александар Николовски, кој ги предаде клучевите од возилата, директорот на ЈП Чистота и зеленило, Сашо Томиќ, претседателката Ивана Ѓорѓиевска и членови на Советот на Општината.
Од вкупно 49 возила кои ги распредели Владата на РСМ низ општините, на кумановското јавно претпријатие му припаднаа 5 возила: 1 цистерна, 2 автометлачки и 2 камиона за собирање на смет.
