Градоначалникот на Општина Куманово, Максим Димитриевски, присуствуваше на традиционалната манифестација, во чест на духовниот водач на српскиот народ, просветител, историчар и архиепископ Свети Сава, на покана на организаторите Српски културен центар, претседателот на Република Србија и Министерството за односи меѓу заедниците во РСМ, вечерва во Македонски народен театар (МНТ), Скопје.
Свечената Светосавска Академија ја увеличаа еминентни музички и драмски интерпретатори, историчари, публицисти, настапија и културно – уметнички ансамбли од Македонија и Србија, пренесувајќи ја пораката и желбите на српската заедница во земјава, за почитување на различните култури, единство и соживот меѓу народите и етничките заедници.
Дел од публиката беа високи државни функционери од Република Србија, Република Црна Гора, Република Српска и Македонија.
11 Октомври бб, 1300 Куманово • (031) 475-800
