Делегација од Општина Куманово во посета на Херцег Нови

Делегација од Општина Куманово, присуствуваше на свеченоста по повод Денот на Општина Херцег Нови, на покана на претседателот Стеван Катиќ.
Во рамки на празничната прослава поканетите делегации и гости од регионот, присуствуваа на свечена седница на Собранието на црногорската Општина и на свеченото дефиле на Градска музика и мажоретки низ централното градско подрачје.
Претставниците од пријателските општини имаа можност да разменат позитивни искуства од повеќе области, кои ќе бидат значајни за граѓаните во текот на идната соработка и развој на нови проектни активности.
Општина Куманово ја претставуваа раководителот на Сектор за образование, Александар Јовановиќ и директорот на ООУ “Карпош” – с.Умин Дол, Мирослав Димевски.