По повод месецов посветен на машкото здравје, Секторот за култура, спорт, социјална заштита, заштита на децата и здравствена заштита при Општина Куманово организира јавна трибина на тема „Машки муабети“, која ќе се одржи на 24 ноември 2026 година (вторник) со почеток во 10.00 часот, во кружната сала на поранешен Комитет. Присуството на граѓаните е од особена важност, бидејќи преку отворен разговор со стручни совети и заедничка дискусија, ќе придонесеме за подигнување на свеста за значајни аспекти на машкото здравје, превентивни прегледи и грижата за сопственото здравје.