Отсек за превенција при СВР Куманово и Општински совет за превенција спроведоа превентивна активност на повеќе локации во Куманово, насочена кон безбедноста на пешаците и непрописното паркирање на тротоарите.
Во активноста се вклучија и членовите на Советот на Општина Куманово, со цел да се укаже на потребата од одговорно однесување во сообраќајот, почитување на пешачките премини и ослободување на тротоарите за безбедно движење на пешаците.
На совесните пешаци и возачи кои ги почитуваат сообраќајните правила, им беа доделени маици со лого, обезбедени со поддршка на Општинскиот совет за превенција.
