Во Меморијалниот центар АСНОМ во Пелинце, денеска заврши дводневниот музички хепенинг (20-21 јуни 2026 година), во организација на Здружението за уметност и култура МЈУЗИК КОНЕКТИНГ ПИПЛ – Куманово.
Шесттото издание на фестивалот понуди богата содржина за сите возрасти. Пред многубројната публика од регионот и соседните земји, настапија домашни и странски музички артисти, кои ја презентираа современата музика и културните вредности.
Ѕвезда на фестивалот беше светски познатиот британски диџеј и продуцент Џејмс Забиела. Посетителите имаа можност да уживаат во чил – зоната со лејзи бегови и хамоци, камп – зона, друштвени и спортски активности, коктел – барови и богата гастрономска понуда.
Забава беше организирана и за најмалите посетители во кидс – зоната, каде беа реализирани едукативни и сензорни работилници, како и интерактивни игри, со цел да поттикнуваат кај децата креативност, развивајќи чувство за безбедна и забавна средина.
“Пикник у Пелинце” е една од најпосетените летни забавни атракции во последните години, во Североисточниот регион. Секоја година фестивалот е посетен од 2000 – 4000 гости од Македонија и соседните држави.
Дел од публиката беа претставници од општинската администрација и членови на Советот на Општината.
