Промоција на возила за комунална хигиена во Скопје

Претседателката на Советот на Општина Куманово, Ивана Ѓорѓиевска заедно со директорот на ЈП Чистота и зеленило – Куманово, Сашо Томиќ и советничката Сања Јакимовиќ – Петковска, присуствуваше на промоција на возилата за комунална хигиена во Скопје, на покана на Владата и Министерството за транспорт и врски на РСМ.
Новите возила ќе бидат вклучени во одржувањето на хигиена во градот Скопје и општините: Куманово, Тетово, Прилеп, Струмица, Штип, Охрид, Неготино, Кичево, Дебар и Велес. Средствата за набавка на вкупно 49 возила се обезбедени со заштеда на средствата преку проектот за ревитализација и за изградба на нови локални и регионални улици, што го спроведува Владата со Светска банка, веќе неколку години.
ЈП Чистота и зеленило – Куманово ќе добие 5 возила за комунална хигиена: 1 цистерна, 2 автометлачки и 2 камиона за собирање на смет.