Продолжува акцијата за отстранување на хаварисани и отпадни возила од јавните површини во Општина Куманово

По донесета Одлука за комунален ред од страна на Советот на Општината, претседателката Ивана Ѓорѓиевска, денеска иницираше работна средба, во присуство на секретарот Емилија Сларидис Јаневска, со претставници и раководни лица на СВР – Куманово, Отсек на управни работи – ОУР Куманово, претставник од Сектор за инспекциски надзор – инспекторат, раководителка на Секторот за комунални работи и инфраструктура, сообраќај и заштита на животната средина и природата и координаторите на советничките групи на Советот на Општина Куманово.
Присутните констатираа дека постапката за отстранување на хаварисани и отпадни возила од јавни површини е сложен процес, но се преземаат конкретни чекори од страна на институциите, за најбрзо решавање на проблемот, во интерес на граѓаните и безбдедноста во сообраќајот, особено во централното градско подрачје.
Надлежните институции продолжуваат со информирање на јавноста за расчистување и отстранување на возилата, кои подолг временски период, се наоѓаат на разни локации (паркинзи на јавни претпријатија, тротоари, семејни дворови и сл.).