Претставници на Општина Куманово го посетија Нови Сад, по повод 1 февруари Ден на градот, кога пред 278 година се здоби со статус на слободна територија.
Во градот на архитектурата, уникатноста и гостопримството, беше организиран свечен прием на делегации во Општината, на кој домаќини беа градоначалникот Жарко Миќин и претседателката на Собранието Дина Вучиниќ. Раководителите Фросина Краљевска и Александар Крстевски присуствуваа и на Свечена академија во Српскиот народен театар, во рамките на која, покрај културно – уметничката програма, беше доделена и Февруарската награда.
Општина Куманово продолжува да ја одржува досегашната соработка и пријателските односи со Нови Сад, кои ќе донесат нови значајни проекти за доброто на граѓаните.
