Трето издание на детскиот фестивал “Мали, но големи пејачи”, се одржа вечерва во НУЦК “Трајко Прокопиев” – Куманово, во организација на Асоцијацијата за култура и уметност “Мулти арт” – Куманово. Пред публиката се претставија 26 учесници од нашиот град, на возраст од 3 до 15 години, кои во живо интерпретираа популарни детски песни, домашни нумери, странски хитови и познати народни песни. Вокалните изведувачи на сцена беа придружувани со кореографија од повеќе кумановски балетски и танцови групи. Традиционалната манифестација е реализирана со поддршка на Општина Куманово.
