Во НУЦК „Трајко Прокопиев“ со свечена музичка програма учениците и наставниците од УОМО „Панче Пешев“- Куманово го одбележаа патрониот празник.
Пред многубројната публика настапија соло интерпретатори, пејачи, инструменталисти, хорот и оркестарот на училиштето, изведувајќи дела од класичната музика и популарни светски хитови, во чест на патронот – народниот херој Панче Пешев. На годинешниот концерт настапија кумановските млади таленти Ивона Јо и Петар Радевски, кои ја надополнија свечената програма.
Училиштето и оваа година го потврди својот квалитет и посветеност во музичкото образование, освојувајќи вкупно 14 награди: 4 државни, 9 меѓународни и 1 интернационална награда во класите пијано, виолина и соло пеење.
Овој значаен јубилеј е уште една потврда дека УОМО „Панче Пешев“ продолжува да ја исполнува својата мисија – препознавање и развивање на млади музички таленти.
На концертот присуствуваа претставници на општинска администрација и членови на Совет на Општината, кои дадоа поддршка на учениците и нивниот развој.
