На 12 септември 2026 година (сабота) на градскиот плоштад во Куманово од 09:00 до 11:00 часот, ќе се одржи здравствена проектна активност под наслов „Заштити ја својата кожа – прегледај се навреме! Раното откривање спасува живот!“. Организатор на активноста е Здружението на виши и средни медицински сестри, техничари и акушерки при Здравствен дом – Куманово, со финансиска поддршка од Општина Куманово, обезбедена преку Јавен повик за финансиска поддршка за спроведување на превентивно – промотивни активности за унапредување на здравствената заштита.
Граѓаните ќе имаат можност да добијат бесплатен дерматолошки преглед, со цел навремено откривање на промени на кожата и подигнување на свеста за значењето на редовните здравствени прегледи.
Грижете се за своето здравје и искористете ја можноста за бесплатен преглед, бидејќи навременото откривање и превенцијата се од особено значење за зачувување на здравјето.