Во знак на почит и благодарност кон македонскиот поет, револуционер и комунист, Коста Апостолов Солев Рацин, бројни делегации положија свежо цвеќе пред бистата во дворот на училиштето, кое го носи неговото име.
Делегацијата на Општина Куманово ја предводеше градоначалникот Максим Димитриевски, а претседателката Ивана Ѓорѓиевска искажа почит пред спомен – бистата, придружувана од членови на Советот на Општината.
Учениците и наставниците со пригодна манифестација, го одбележаа Денот на училиштето, во присуство на бројни поканети гости од образовните институции, претставници од локалната заедница и родителите.
Со поетски стихови, драмска кореографија, песна и игра, учениците упатија порака до заедницата што расте, преку инспиративни идеи, кои водат до остварување на нивните детски соништа, претставувајќи се во празнична и разиграна атмосфера.
