Од среда до петок дератизација на територијата на Куманово

Во следните неколку дена, поточно на 20.03.2019 година (среда), 21.03.2019 (четврток) и 22.03.2019 (петок) ќе се врши дератизација (третирање против глувци) на територија на Општина Куманово. Третманот ќе се изврши со постваување на мамци во отворите од шахтите на постоечката канализациона мрежа , а ќе бидат опфатени и отворите што служат за собирање на атмосферската вода.

Во случај третманот да не се изврши поради неповолните временски услови, истото ќе биде одложено за наредниот ден.

Препаратот што ќе се користи спаѓа во група на антикоагуланти и ќе биде во облик на парафински блок. Се предупредуваат граѓаните да не се движат во близина на поставените мамци , а во случај на наоѓање на родентицидот на отворено, да не го допираат.