Свечен прием на учесниците на Меѓународниот фолклорен фестивал „Куманово“2019

Денеска во Занаетчискиот Дом се одржа свечен прием на културно-уметничките друштва и ансамблите кои настапуваат деновиве на првиот Меѓународен фолклорен фестивал ,,Куманово” 2019. Градоначалникот Максим Димитриевски ги поздрави учесниците и го искажа своето задоволство од организирањето на манифестацијата која ја негува традицијата и ги сплотува различните народни музички творештва.

По свечениот прием, на градскиот плоштад беше засадено дрво во чест на фестивалот, со цел истиот да прерасне во традиција.

Програмата на фестивалот продолжува вечерва со почеток од 19:30 часот во НУЦК ,,Трајко Прокопиев“, а третата и завршна вечер е утре, каде што покрај настапите на шестте ансамбли, со едночасовна програма ќе се претстави и Националниот ансамбл „Танец“ – Скопје.