Трибина за унапредување на Училишниот спорт во Куманово

Денеска во просториите на ООУ „Крсте Мисирков„ се одржа трибина за унапредување на училишниот спорт во Општина Куманово. Свое обраќање имаше градоначалникот Максим Димитриевски кој ја истакна важноста на училишниот спорт и заложбите за неговиот развој. На трибината учествуваа претставници од Секторот образование од општината, Општински сојуз на спортови, Здружение на спортски педагози, Општински сојуз на училишен спорт, директори на основни и средни училишта во градот и наставници. Целта на оваа трибина е преку идеи и предлози да се дојде до изготвување на една долгорочна стратегија за развој на училишниот спорт во нашата општина.