Сектори

 Раководител:Сунај Мустафа
тел.072/252-957

e-mail: sunaj.mustafa@kumanovo.gov.mk

Секторот за правни работи, имотно правни и општи работи ја обединува, координира, контролира и ја следи и унапредува меѓусебната соработка на Одделението за правниработи, имотно правни и општи работи, кои се во негов состав.

Одделенија:

– Одделение за правни работи и имотно правни работи

Одделението за правни работи и имотно правни работи ги врши работите што се однесуваат на: застапување на општината пред судовите и државните органи во Република Македонија, се грижи за општинскиот недвижен имот, негово администрирање со инвестиционо и тековно одржување, спроведување на постапка за концесии и јавно приватно партнерство, промовирање на интересите на општината за концесии и јавно приватно партнерство, врши и други работи што ќе му бидат доверени од Советот и Градоначалникот.

– Одделение за општи работи

Одделението за општи работи ги врши работите што се однесуваат на: следење и применување на законите, прописите и општите акти за канцелариското и архивското работење, прашања од непосредно и секојдневно значење за животот и работата на жителите на месните заедници , подготовки за цивилна и противпожарна заштита, работи за возниот парк, достава на акти и  други помошно-технички работи, врши и други работи што ќе му бидат доверени од Советот и Градоначалникот.

---

Раководител со задолжување: Виолета Димитриевска
тел.

e-mail: [email protected]

Секторот за финасиски прашања ги обединува, координира, контролира и ја следи и унапредува меѓусебната соработка на одделението за буџетска координација, оддлението за буџетска контрола, одделението за сметководство и плаќања и одделението за јавни набавки, кои се во негов состав:

Одделенија:

– Одделение за буџетска координација

Одделението за Буџетска координација ги врши работите што се однесуваат на координирање на процесот на подготвување, изготвување, изменување и дополнување на буџетот и на (годишни, квартални и месечни)буџетски и стратешки планови на општината и општинските буџетски корисници. Координирање на процесот на развој, воспоставување, спроведување и одржување на финансиското управување и контрола.Давање предлози за воспоставување/укинување на ех ante финансиска контрола со вршење на проценка на ризик и ажурирање на процедурите за работните процеси во областа на финансиското управување и контрола. Задолжително давање на мислења по предлог актите што ги изготвуваат другите организациони единици во субјектот и предлог актите на други субјекти кои имаат или може да имаат финасиски импликации за буџетот на општината. Изготвување план за воспоставување на финансиското управување и контрола како и методологијата за спроведување на планот кои ги одобрува раководителот на субјектот. Следење и примена на законската регулатива од областа на буџетското работење. Давање на мислење по предлог на актите што ги изготвуваат другите организациони единици во општината и предлог актите на други субјекти кои имаат или можат да имаат финансиски импликации за буџетот на општината. Подготовка на извештај за реализирани програми, проекти и договори. Подготовка на извештај за активностите за воспоставување и развој на финансиското управување и контрола. Вршење на самопроценки на одделни процеси на системот на финансиско управување и контрола. Подготовка на Годишниот финансиски извештај и вршење на други работи што ќе му бидат доверени од Советот и Градоначалникот.

– Одделение за буџетска контрола

Одделението за Буџетска коонтрола ги врши работите што се однесуваат на контролирање на извршувањето на буџетот. Контролирање на извршувањето на утврдените политики и оперативно управување (надзор над целокупниот процес за финасиското управување и контрола). Контрола на следење на реализацијата на договорите за јавни набавки и спроведува еx ante и ex post финасиска контрола – вршење документирана контрола на комплетноста и исправноста на целокупната документација (фактури, порачки, испратници, работни налози , приемници и друго и нивна усогласеност со договорот за јавни набавки). Контрола на изготвување на информации и извештаи за извршувањето на буџетот. Контрола на следење и примена на законската регулатива (закони, подзаконски акти, прописи, стандартди, упатства) од областа на финасиското управување и контрола. Контрола на раположивоста на планираните стредства во буџетот/финансискиот план пред преземање на обврските, контрола на плати во општина и општински буџетски корисници и вршење на други работи што ќе му бидат доверени од Советот и Градоначалникот.

– Одделение за сметководство и плаќања

Одделението за сметководство и плаќања ги врши работите што се однесуваат на спроведување сметководствено евидентирање за извршување на буџетот/финасискиот план и подготвувањетона годишна сметка и годишен извештај (биланс на состојба, биланс на приходите и расходите, консолидиран биланс на капиталниот имот, биланс на задолжување и белешки/образложение кон финансиските извештаи). Сметководствено евидентирање на основните средства на општината, евидентирање и наплата на побарувањата и евидентирање и плаќање на достасаните обврски, материјално и даночно сметководство. Буџетското и финасиското известување. Заштитата за средствата и обврските чија вредност е евидентирана во билансот на состојба. Изготвување на годишни, квартални и месечни финансиски извештаи за буџетот на општината и неговите органи во состави и единки корисници согласно законските прописи. Ex ante сметководствена контрола на целокупната документација пред да се изврши плаќањето согласно пишаните процедури за смнетководствените процеси. Следење и примена на законската регулатива од областа на сметководственото, материјалното и финансикото работење. Секојдневно водење на благајнички работи.  Пресметка и исплата на платите на вработените во општина и општински буџетски корисници. Врши усогласување на состојбите во даночната евиденција, сметководство и евидентирање на задолжувањата и раздолжувањата за даноците, придонесите и таксите и вршење на други работи што ќе му бидат доверени од Советот и Градоначалникот.

Раководител со задолжување: Фросина Краљевска

e-mail: [email protected]

Секторот за даноци и такси ги обединува, координира, контролира и ја следи и унапредува меѓусебната соработка на Одделението за утврдување и наплата на данок на промет на наследство и подарок и Одделението за утврдување и наплата на данок на имот, наплата на даноци, такси и други надоместоци:

Одделенија:

–Одделение за утврдување и наплата на данок на промет на наследство и подарок

Одделението за утврдување и наплата на данок на промет на наследство и подарок ги врши работите што се однесуваат на: следење и применување на прописите што се однесуваат на утврдување на данокот на промет, наследство и подарок, изготвува список со капацитети на даноци и такси, врши администрирање на приходите на Општината, утврдување и наплата на данок на промет, наследство и подарок кои се приход на Општина Куманово, регистрирање во уписник на даночните пријави за данок на промет, наследство и подарок, изготвување налози за пресметка на основица за данок на промет, изготвување на решенија за наплата на данокот на промет, изготвување решенија по поднесени жалби, доставување поднесените жалби до второстепена комисија при Министерството за финансии на РМ, контрола на донесените решенија, врши присилна наплата на даночен долг, парична казна и камата, попис и проценка следење и примена на законските прописи. врши други работи што ќе му се доверат согласно законите и другите прописи и работи што ќе му бидат доверени од Советот и Градоначалникот..

–Одделение за утврдување и наплата на данок на имот,наплата на даноци,такси и други надоместоци

Одделението за утврдување и наплата на данок на имот, наплата на даноци, такси и други надоместоци ги врши работите што се однесуваат на: утврдување и наплата на таксите и други надоместоците кои се приходи на Општина Куманово, водење регистар за комуналлни такси и други надоместоци и други регистри потребни за утврдување и наплата на комуналните такси и други такси, водење на жалбената постапка на комунални такси, ажурирање на базата на податоци за присилна наплата на, такси и други надоместоци, регистрирање во уписник на даночните пријави за данок на имот, изготвување налози за пресметка на основица за данок на имот, изготвување на решение за наплата на данокот на имот, изготвување решение по поднесени жалби, доставување на поднесените жалби до второстепена комисија при Министерството за финансии на РМ, контролирање на донесено решение, ажурирање на базата на податоци за присилна наплата, следење и примена на законските прописи, врши други работи што ќе му се доверат согласно законите и другите прописи и работи што ќе му бидат доверени од Советот и Градоначалникот.

Раководител: Емилија Сларидис Јаневска
тел.075/209-624

e-mail: [email protected]

Помошник Раководител: Горан Стојковски
email:[email protected]

Секторот за урбанизам ја обединува, координира, контролира и ја следи и унапредува меѓусебната соработка на Одделението за планирање и донесување на урбанистичка документација, Одделението за спроведувње на урбанистичка документација и Одделението за управување и документирање на градежно земјиште:

Одделенија:

–Одделението за планирање и донесување на урбанистичка документација

Одделението за планирање и донесување на урбанистичка документација  ги врши следните работи: урбанистичко планирање; учествува и ја спроведува постапката за изработка, донесување, изменување и дополнување на Генерален урбанистички план, деталени урбанистички планови, урбанистичка документација на населено место (село),урбанистички планови за вон населено место, локална урбанистичка документација,  општ акт за условите за градба на објекти во населено место, урбанистички проекти и друга урбанистичка документација утврдена со Законот за просторно и урбанистичко планирање; покренува иницијативи за изработка, дополнување и изменување на урбанистичките планови и урбанистичко планска документација; ја следи реализацијата на урбанистичките планови и урбанистичко планска документација; изготвува анализи и извештаи за степенот на реалазација на урбанистичките планови и урабнистичко планска документација; изготвува програми и извештаи за урбанистичко планирање, врши проучување и применување на законите, прописите и другите општи акти од областа на урбанизмот и градежништвото, издава насоки при изработка на архитектонски проекти, издава согласност на архитектонски проекти, врши и други работи што ќе му бидат доверени од Советот и Градоначалникот.

–Одделение за спроведување на урбанистичка документација

Одделението за спроведување на урбанистичка документација ги врши следните работи: спроведување на урбанистички планови и друга урбанистичка документација, издава одобренија за градење на објекти од втора категорија на градба, утврдени согласно законот за градење, врши предбележување на градба како и запишување на промена во катастар на недвижности, спроведува пстапка за утврдување на правен статус на бесправно изградени објекти, врши и други работи што ќе му бидат доверени од Советот и Градоначалникот.

–Одделение за управување и документирање на градежно земјиште

Одделението за управување и документирање на градежно земјиште ги врши следните работи: ја реализира програмата за работа во областа на располагањето со градежно земјиште во сопственост на Република Македонија на подрачјето на Општина Куманово, изготвува предлог договори за давање на градежно земјиште под долготраен  и краткотраен закуп, спроведува постапка за отуѓување и давање под долготраен закуп на градежно земјиште сопственост на РМ по пат на јавно надавање, спроведува постапка за отуѓување и давање под долготраен закуп на градежно земјиште со непосредна спогодба и сите останати постапки согласно Законот за градежно земјиште, спроведува постапки за отуѓување и давање на недвижности сопственост на општината и јавните претпријатија по пат на електронско јавно надавање согласно Законот за користење и располагање со стварите во државна сопственост си со стварите во општинска сопственост, изготвува програми и извештаи за работа во областа на располагањето со градежно земјиште во сопственост на Република Македонија на подрачјето на Општина Куманово, врши и  други работи кои ќе му бидат доверени од Советот и Градоначалникот.

Раководител: Лидија Ланг Спасовска
тел.072/272-360
email:[email protected]

Помошник Раководител: Moмчило Јовановски
email:[email protected]

Секторот за комунални работи, инфрастуктура и сообраќај и заштита на животната средина и природата ги обединува, координира, контролира и ја следи и унапредува меѓусебната соработка на Одделение за комунални работи и инфрастуктура и сообраќај и Одделението за заштита на животната средина и заштита на природата,

–Одделение за комунални работи, инфрастуктура и сообраќај

Одделение за комунални работи, инфраструктура и сообраќај ги врши работите што се однесуваат на: следење на  законските и подзаконските акти од областа на комунални работи, изградба и одржување на комуналната инфраструктура и истите ги применува, работи во врска со организирање, изградба, реконструкција и одржување на локални патишта и улици, вршење на работите сврзани со јавното осветлување во градот и  населените места на подрачјето на Општината, следење на состојбите за уредување и одржување на јавното зеленило, вршење  и други работи што со посебни закони за комунални дејности се дадени во надлежност на Општината, изготвува програми и извештаи и ја следи проблематиката од областа на комунални работи, сообраќај, изградба и одржување на комуналната инфраструктура, уредување, грижа за изградбата и одржувањето на уличната сообраќајна сигнализација, изградбата и одржувањето на јавниот простор за паркирање, ги анализира состојбите и дава иницијативи за нивно разрешување од областа на комуналната инфраструктура, уредувањето и организирањето на јавниот локален превоз,издавање на лиценци за такси превоз на територијата на Општината, следење на состојбите на другата комунална опрема  поставена на улиците и другите јавни површини,именување и нумерирање на улици,  регулирање на режимот на сообраќај; изградба и одржување на уличната сообраќајна сигнализација; врши следење на реализација на годишните програми на јавните претпријатија во Општинта, врши видео мониторинг со дрон на територија на Општината, врши и други работи што ќе му бидат доверени од Советот и Градоначалникот.

–Одделение за заштита на животната средина и природата

Одделението за заштита на животната средина и природата ги врши работите што се однесуваат на: заштита  на животната средина, мерки за заштита и спречување на загадувањето  на водата, воздухот и земјиштето, заштита од бучава и нејонизирачко зрачење, следење на законски прописи и други општи акти и меѓународните докумнети и искуства од областа на заштита на животната средина, со следење на состојбите и врз основа на мониторингот, изготвување на стратешките документи, програми, планови  и прокети, како и предлози за политики по начелни прашања од сферата на заштитата на животната средина, заштитата на природата, спроведување на мерките кои произлегуваат од заштитата на природата, следење на законски прописи и други општи акти и меѓународните докумнети и искуства од областа на заштита на природата, со следење на состојбите и врз основа на мониторингот, изготвување на стратешките документи, програми, планови и проекти, како и предлози за политики по начелни прашања од сферата на заштитата на природата, врши и други работи што ќе му бидат доверени од Советот и Градоначалникот.

Раководител Александар Јовановиќ
тел.076/365-170
e-mail: [email protected]

Секторот за образование ја обединува, координира, контролира и ја следи и унапредува меѓусебната соработка на Одделението за предучилишно и основно образование и Одделението за средно образование и ученички стандард, кои се во негов состав:

Одделенија:

– Одделение за предучилишно и основно образование

Одделението за предучилишно и основно образование ги врши работите што се однесуваат на: основање, функционирање и администрирање на основните училишта во општината и во соработка со другите сектори – одделенија за општинска администрација и централна власт, организирање на превоз на учениците, реонизацијата и мрежата на основното образование и други локални надлежности во основното образование, врши и други работи што ќе му бидат доверени од Советот и Градоначалникот.

– Одделение за средно образование и ученички стандард

 Одделението за средно образование и ученички стандард ги врши работите што се однесуваат на: основање, функционирање и администрирање на средното обаразование и општинските јавни

установиод областа на ученичкиот стандард во соработка со други сектори – одделенија на општинската администрацијаи централната власт, организирање на превоз на учениците, ученичкиот стандард  и  сместување  во ученичките домови, функционирањето и развојот на средното образование во оштината и мрежата на средно образование и други локални надлежности во средното средно стручното образование и ученички стандард, врши и други работи што ќе му бидат доверени од Советот и Градоначалникот.