Këshilli për mbrojtjen e konsumatorëve

Në mbledhjen e fundit, Këshilli i Komunës së Kumanovës, miratoi Vendim për formimin e Këshillit për mbrojtjen e konsumatorëve në Kumanovë. Qëllimi i këtij Këshilli është që ta mbikëqyrë kualitetin e shërbimeve që janë në kompetencë të ndërmarrjeve publike, shërbimeve komunale dhe institucioneve lokale. Të gjitha ankesat që do të arrijnë deri te këshillit nga qytetarët, do të shqyrtohen në mbledhje publike, ku mund të jenë të pranishëm edhe drejtorët, këshilltaërt dhe kryetari i komunës. Raporti i punës do t’i parashtrohet Këshillit të Komunës, i cili do të ketë qasje në punën e këtij organizmi këshillëdhënës.