Промовирана стихозбирката “Ноќни белешки” на Весна Тодоровска

Вечерва во Занаетчиски дом се одржа промоција на стихозбирката “Ноќни белешки” на Весна Тодоровска, со техничка и логистичка поддршка на Фондација за култура и спорт “Куманово”. Авторот во делото го анализира своето видување за градбата на мостовите на животот, сопствената поетика за годините и растежот низ нив за сопственото осознавање и толкување на белезите на времето. Рецензенти на настанот беа директорката на ЈОУ Библиотека “Тане Геогриевски” Христина Алексовска и професорката по македонски јазик Катерина Костадиновска. Дел од промоцијата беа поранешни ученици на Тодоровска, кои интерпретираа извадоци од “Ноќни белешки”, а присутните проследија и кратка музичка програма.