Во Пелинце се одбележа државниот празник Ден на Републиката – Илинден

Денеска во Меморијалниот центар АСНОМ-Пелинце беше одбележан големиот државен празник 2 август, Денот на Републиката –Илинден. На свеченото одбележување, пред споменикот на АСНОМ свежо цвеќе положи делегација на Градоначалник и Советот на Општина Куманово, предводена од Градоначалникот Максим Димитриевски заедно со Претседателката на Советот Ивана Ѓорѓиевска, претставник од Советот на Општината и претставници од кабинет на градоначалникот. Со пригоден говор се обрати Талат Џафери, Претседател на Собранието, а настанот беше проследен со богата културно-уметничка програма.