Втора седница на ЛЕСС Куманово

Локалниот економско- социјален совет – Куманово денеска ја одржа втората седница во салата на Општина Куманово, каде беа донесени неколку важни одлуки за работата и идните активности на ова тело.
Беа донесени одлуки за проширување на Здружението на работодавачи со два члена од приватниот сектор, еден нов надворешен соработник се приклучи во Занаетчиска комора и во Комисијата за локален економски развој (КЛЕР) беше назначен нов член.
Дискусијата на седницата се одвиваше во насока на јасно дефинирање на работата на телата кои работат во рамките на ЛЕСС, членовите беа едногласни во одлуката да не се формираат дополнителни комисии и тела кои би биле непродуктивни и би биле на штета на веќе постоечките структури на Локалниот економско- социјален совет – Куманово.