Еразмус + проект “Основи на ученичка автономија”
Секретарот на Општина Куманово Александар Гелевски денеска оствари средба со наставници од Полска, Турција и Италија, кои заедно со СОУ Гимназија “Гоце Делчев”-Куманово активно работат на Еразмус + проектот “Основи на ученичка автономија”. Полска е координатор на проектот, а дел од истиот се и претставници на Грција, кои не беа во можност да го посетат нашиот град. Темата на која работат во Куманово е “Социјална вклученост на младите”. Ќе бидат спроведени работилници, на кои ќе се разменат работни искуства и резултати од проектните теми на делување.
