“Иднината им припаѓа на оние што се подготвени!”

Во рамки на кампањата за заштита од природни непогоди, претставници од Дирекција за заштита и спасување денеска остварија средба со градоначалникот на Општина Куманово, на која ги презентираа активностите, како дел од кампањата која започна на први февруари и ќе трае до крајот на месецот.
Претставниците од Секторот за превенција, планирање и развој при ДЗС од денеска започнуваат со посета на општински основни и средни училишта, со цел информирање и едуцирање на учениците преку презентација и обука за заштита од природни непогоди и други несреќи. Во рамките на оваа едукативна кампања ќе бидат поделени флаери и семејни прирачници за подигање на свеста кај учениците за справувањето од елементарна непогода од секаков вид.