Традиционално одбележан Денот на народното востание и Ден на борецот

По повод овогодинешниот јубилеј 80 години од Денот на народното востание-11 Октомври, на Спомен костурница во Куманово се одржа традиционалната пригодна свеченост. На свеченото одбележување присуствуваа бројни делегации, кои положија свежо цвеќе, оддавајќи им достојна почит на паднатите борци во борбата за слобода на македонскиот народ: Сојуз на борци од Народноослободителна и антифашистичка војна на Македонија, градоначалник на Општина Куманово, делегација на Општина Прилеп, претседател и членови на Советот на Општината, на претседателот на РСМ, Владата и Собранието на РСМ, на Генерал штабот на АРМ и Министерството за внатрешни работи  на РСМ, општински основни и средни училишта, јавни установи и претпријатија, здруженија на граѓани, невладини организации, политички партии. Со пригодна реч се обрати градоначалникот на Општина Куманово, Максим Димитриевски. Свеченото одбележување беше збогатено и со кратка културно-уметничка програма.