Ambasadorja e Britanisë, Gallovej, viziton Kumanovën

Kryetari Maksim Dimitrievski realizoi takim pune me ambasadoren e Britanisë së Madhe, Rejçej Galovej. Në takim u bisedua për bashkëjetesën në Kumanovë, bashkëpunimin e mundshëm në të ardhmen në sferën e arsimit dhe këmbimin e nxënësve, si dhe u shqyrtua mundësia e zhvillimit të zonave industriale me ndihmën e investitorëve potencial nga Britania e Madhe. Ambasadorja Galovej theksoi se don të njoftohet me nevojat dhe mundësitë e bashkëpunimit në më shumë fusha, në mes të cilave edhe ato të arsimit dhe sportit.

Në kuadër të vizitës, ambasadorja, së bashku me kryetarin Dimitrievski, e vizituan shkollën e mesme “Pero Nakov”, pishinën e qytetit dhe KEJ – in. Kjo ishte vizita e parë e ambasadores Galovej në Kumanovë.