U promovua projekti muzikor “Kumanovarët për Kumanovën”

Në Shtëpinë e Artizanateve u promovua projekti muzikor “Kumanovarët për Kumanovën”. Kjo ngjarje organizohet nga Shoqata e Kulturës dhe Artit “Multi Art” , me ndihmën e Fondacionit për Kulturë dhe Sport Kumanova dhe Sektori për kulturë dhe sport pranë Komunës së Kumanovës, nën kujdesin e Kryetarit të Komunës dhe Këshillit Komunal.

Dhjetë këngë popullore të Kumanovës, tipike për mentalitetin, traditën dhe mjedisin e Kumanovës, janë ripunuar nga muzikantë të njohur nga Kumanova, kënduar nga emra muzikorë të Kumanovës, të shoqëruar nga një numër muzikantësh profesionistë të qytetit.

Një delegacion nga Komuna e Kumanovës, i udhëhequr nga Kryetari i Komunës, i cili mbajti edhe fjalim, ishte i pranishëm në këtë aktivitet.