Прва официјална посета на Амбасадорот на Јапонија, Н.Е.Хиронори Савада

Денеска во просториите на општина Куманово Градоначалникот на општината Димитриевски се сретна со Амбасадорот на Јапонија, Н.Е. Хиронори Савада и директорот на Општа болница Куманово, д-р Снежана Захариева. Целта на средбата беше потпишување на грант договорот со Општа болница Куманово во врска со донацијата од GGP-програмата за помош за човекова безбедност на Јапонската амбасада во Република Северна Македонија. Овој проект овозможува обезбедување на нов дигитален дијагностички ултразвучен систем со високо квалитетна медицинска нега.