Средба за унапредување на средното стручно образование

Денеска во големата сала на зградата на поранешните општествено-политички организации се одржа средба за унапредување на средното стручно образование. На средбата присуствуваше заменик министерот за образование и наука, Арафат Шабани, претставници од општинските стручни средни училишта, претставници на меѓународни организации, институции и претставници од платформата за јавен приватен дијалог. Целта на средбата беше да се прецизираат потребите за унапредување на образованието, преку споделување на информации за да се создаде стручен кадар, кој ќе одговара на потребите на пазарот на трудот. Од името на општина Куманово се обрати Секретарот на општината, Александар Гелевски.