Прием на учесниците на 3-тиот Меѓународен фолклорен фестивал

Денеска во Занаетчиски дом се одржа прием на претставниците на Фолклорните ансамбли, кои учествуваат на 3-тиот Меѓународен фолклорен фестивал Куманово 2022: КУД„Панче Пешев“-Куманово,  АКУД„Иво Лола Рибар“-Србија, Ансамблите „Варна“-Бугарија и „Словианки“-Полска, Фолклорен ансамбл„Алијанса“-Мексико. Гостите, пред секретарот на Општина Куманово и претседателката на Совет на Општината, ја претставија својата држава, потенцирајќи ја културната традиција и обичаи, при што разменија пригодни подароци. Традиционално секоја година учесниците го полеваат дрвцето на градскиот плоштад, засадено на првиот Меѓународен фолклорен фестивал.