Прв Меморијален турнир во чест на кумановската ракометна легенда Чедомир Трајановиќ

Вечерва на спортското игралиште во комплексот Соколана се одржа првиот Меморијален турнир во чест на кумановската ракометна легенда Чедомир Трајановиќ,кој беше одличен ракометар и голгетер на Куманово, како и успешен тренер во машка и женска конкуренција. Настанот се одржа под покровителство на градоначалникот и Советот на Општина Куманово. На ревијалниот натпревар настапија повеќе генерации на ракометари, со цел да го испочитуваат спортистот Трајановиќ. Со должна почит пред присутните се обрати градоначалникот на Општина Куманово Димитриевски, кој истакна дека треба да го одржуваме и развиваме богатиот спортски живот во нашиот град, вложувајќи доволно труд и време, кои ќе донесат успешни спортисти со нови достигнувања и резултати. Димитриевски оддаде почит на ликот и делото на ценетиот спортист, потенцирајќи ги неговата игра и впечатлив настап, кои ќе останат пример за новите генерации.