Промовиран видео запис од одржаниот 3-ти Меѓународен фолклорен фестивал Куманово

По повод 11 Ноември, Ден на ослободување на Куманово, вечерва во МКЦ Козјак Куманово беше промовиран видео запис од одржаниот 3-ти Меѓународен фолклорен фестивал Куманово. Видео записот претставува ретроспектива на трите фестивалски вечери во рамките на оваа масовна културна манифестација, чии организатори се КУД “Панче Пешев” и МКЦ “Козјак”, а покровители  градоначалник и Совет на Општина Куманово и Министерство за култура на РСМ. На промоцијата присуствуваше секретарот на Општина Куманово, Александар Гелевски.