Боксерски клуб Куманово со награди на меѓународни турнири

Градоначалникот на општина Куманово денеска оствари средба со членови на управата на Боксерскиот клуб Куманово и боксерите Бајрам Мамутовски и Фурхан Јашаровски. Средбата беше повод Димитриевски да им честита на боксерите на наградите, со кои се закитија на меѓународните турнири во Бујановац и Бања Лука. Своите борбени вештини ги демонстрирале во повеќе категории во сениорска, јуниорска и кадетска конкуренција, освојувајќи златен и сребрен медал. Бајрам Мамутовски  е прогласен за најдобар боксер на меѓународен турнир во Бујановац. Општина Куманово продолжува да го поддржува неуморниот труд на нашите спортисти, кои редат бројни успеси и значајни резултати.