Доделена награда за “најпесна” во чест на 11 Ноември

Во организација на Здружението на граѓани – друштво на писатели на Куманово (ЗГДПК), вечерва во Занаетчиски дом – Куманово, се одржа литературна – музичка вечер.
На манифестацијата беа доделени награди за најуспешните литературни творби и пофалници за сите учесници на литературниот конкурс, по повод Ден на градот.
Програмата беше збогатена со музички настап на ученици од УОМО “Панче Пешев”, ОСТУ “Наце Буѓони”, СОУ “Перо Наков” и од балетското студио “Ултра”.
Во знак на благодарност, на претставниците од Општина Куманово им беа доделени благодарници.